Julekort til skulen! :)

Det var nok ein gong klart for eit nytt oppdrag i trykk og foto, og denne gongen skulle kvar einskild lage eit eigeprodusert julekort for Fusa Vgs. Som skulen igjen skal bruke til å sende ut til alle kontaktane sine.
Eg er ein av dei personane som plar å bruke ufatteleg lang tid på å komme i gang med ei oppgåve, eller i heile tatt komme på ein ide, men denne gongen kom eg overaskande kjapt i gong, og her er resultatet.

Eg vart inspirert av det læraren sa, om at nokre førre elevar hadde teke bilete av skulen til kortet, og eg tenkte dette måtte då vere naturleg å gjere, sidan skulen står såpass sentralt. Eg følte eg ikkje hadde fått fram same bodskapet om eg heller hadde brukt bilete av eit juletre. Oppgåva la vekt på originalitet og at vertfall enkelte delar av det ferdiglaga produktet, skulle vere eigeprodusert. Eg fann ut at eg ville lage ein collage, og trossa minusgradene for å traske ut og ta bilete. Eg tok fleire bilete av skulen frå ulike vinklar, før eg fann ut eg ville gjere det på denne måten.
Då eg fyrst hadde fått ideen, fekk eg kjapt teke bileta og kommt meg inn att.
Etter dette byrja eg med klippinga og liminga, for å få kvart bilete til å sjå ut som om skulen hang saman.
Det ser litt hakkete ut, men dette har eg gjort bevisst.
Det at det er rim på originalbileta, gjorde jo med ein gong at bileta trong mindre redigering for å gje dei "julesteming". Eg har redigert størrelsen på bileta og endre fargetonane litt. Eg brukte etter det sponge tool, for å viske vekk fargane på bilane, "straumhuset", dette fordi eg syns det tok for masse merksemd vekk frå skulen, som eigentleg er hovudfokuset.
Eg fann så ein fin font på nettisda  http://www.dafont.com/ . Eg lasta ned Hordaland fylkeskommune logoen, og lasta ned snøfnugg brushes på same sida som eg fann skrifta eg skulle bruke.
Alt i alt er eg ganske så nøgd med det ferdige resultatet. Det vert enkelt, men likevel originalt og stilreint.
Eg syns det ligna eit panorama bilete.